Factura online

É unha modalidade de factura na que non se emprega o papel como soporte, senón un ficheiro electrónico. A sinatura electrónica que leva incorporada demostra a autenticidade do emisor e garante a integridade do seu contido, polo que legalmente é un documento considerado como vinculante e non necesita de maior proba ou confirmación que a súa propia existencia.

O servizo de Factura Online permíteche prescindir da recepción das facturas en papel: recibirás o aviso por email da dispoñibilidade de novas facturas. Accedendo por Internet dende calquera lugar e momento poderás visualizar e descargar as túas facturas. O servizo é totalmente gratuíto e en calquera momento se pode volver solicitar a recepción da factura en papel.

Para utilizar o servizo de Factura Online, deberás ser usuario rexistrado da Área clientes de Naturgy. É dicir, a través da Área clientes se dispos dun contrato activo con Naturgy Iberia, S.A. A través dela, poderás consultar todos os teus contratos e as contas bancarias onde están domiciliados, solicitar un cambio de domiciliación, facilitarnos a lectura e xestionar todas as solicitudes respecto ás túas facturas e moitos outros trámites relacionados cos teus contratos. Unha vez rexistrado, poderás solicitar a alta no servizo de Factura Online de xeito moi sinxelo.

Podes consultar as túas facturas electrónicas en calquera momento e dende calquera lugar accedendo co teu usuario e contrasinal ás oficinas online. No apartado "As miñas facturas" terás listadas as facturas do teu fogar. Se desexas visualizar as facturas tal e como aparecerían en papel, fai clic sobre a factura que che interese e abrirase un documento en formato PDF que poderás gardar no teu ordenador. Para visualizar o documento de factura electrónica necesitarás o programa Adobe Acrobat Reader. Se non dispós del, podes descargarlo dende a propia Área Privada.

Si, cando accedas a unha factura electrónica poderás abrila para visualizala ou gardala. Se elixes gardala, un cadro de diálogo preguntarache onde e poderás indicar a unidade e carpeta do teu ordenador onde queres gardar o documento. É un modo doado e cómodo de arquivar as túas facturas electrónicas nun formato con validez legal-fiscal, e consultalas cando desexes sen necesidade de estar conectado á Internet.

Cada vez que se emita unha nova factura de calquera dos contratos que teñas co servizo Factura Online activado, enviarémosche un correo electrónico de aviso ao enderezo que nos indicases. Neste email, indicarémosche o enderezo do contrato sobre o que se xerou a nova factura e a data, xunto cun enlace para a súa consulta. Para a túa seguridade, estes datos só se mostrarán cando accedas á túa Área clientes, tras identificarte coas túas claves persoais.

Recibirás un correo electrónico por cada nova factura que se emita de cada contrato no que teñas activado o servizo de Factura Online.

Na Área clientes sempre terás acceso á consulta e descarga das túas facturas dos tres últimos anos. Se necesitas unha factura anterior, deberás solicitala ao servizo de Atención ao Cliente.

A factura electrónica é totalmente segura. A sinatura electrónica que leva achega e o certificado de emisión da sinatura garante a autenticidade do emisor e a integridade do contido. Esta sinatura electrónica é un sistema de autenticación dun documento electrónico (pdf, xml, etc.) emitido por unha entidade debidamente acreditada pola Axencia Estatal da Administración Tributaria. A sinatura electrónica das facturas de Naturgy Iberia, S.A. 

A sinatura electrónica encóntrase no documento PDF. As opcións de menú para acceder á sinatura varían en función da versión que teñas instalada de Acrobat Reader.

Podes encontrar na parte lateral esquerda un separador chamado "Sinaturas", ou ben unha opción de "Sinaturas" Polo menú superior sempre encontrarás tamén a opción de "Documento", opción "Sinaturas Dixitais". Independentemente de por onde accedas (xa sexa polas accións do botón dereito do rato sobre a sinatura no documento, xa sexa pola opción do menú), deberás "Validar premer sinatura". Se o desexas, podes ir a “Mostrar certificado", onde verás o emisor e a validez do certificado e, a continuación, "Validar sinatura".

Cando te encontres na opción de "Mostrar Certificado" e o esteas a visualizar, poderás entrar na opción de "Confiar" e executar a opción de "Agregar como entidade de confianza". Deste xeito, cando volvas abrir unha factura electrónica en Naturgy nese ordenador, os datos do emisor xa estarán validados.

Poderás darte de baixa do servizo dende a túa Área Clientes, á que accederás coas túas claves. Se tes máis dun punto de subministración co servizo activado, podes elixir de cal darte de baixa. A baixa do servizo implicará a reposición e o envío ao teu enderezo postal das facturas en papel no próximo ciclo de facturación. Deixarás de recibir un correo electrónico avisándote dunha nova factura e non disporás das facturas electrónicas que a partir de entón recibas en papel, posto que unha factura é única nun só formato. No teu histórico de facturas estará dispoñible cada factura na versión electrónica ou en papel que tiveses activada en cada momento. Se gozas do Plan Aforro Online, este rescindirase automaticamente no momento que non dispoñas de FacturaOnline.