Certificado de Ahorro Energético

Dokumentu elektroniko bat da, 2023/01/26tik egindako energia-eraginkortasuneko jarduera baten ondorioz urtean energia jakin bat aurrezten dela ziurtatzen duena.
Salerosketaren objektu den aktibo bat da.

CAE bat = kWh bateko energia-aurrezkia

• Behartutako subjektuak (SO): gasa eta elektrizitatea merkaturatzen duten enpresak, petrolio-produktuen handizkako operadoreak eta petrolioaren gas likidotuen handizkako operadoreak dira.
• Subjektu ordezkariak (SD): behartutako subjektuek energia aurrezteko duten ahalmena beste norbaiten esku uzten duen edozein pertsona juridiko, hau da, enpresen ordezkari gisa jarduten duena.
• Azken bezeroak: energia-eraginkortasuneko proiektu bat egin dezakeen edozein pertsona, enpresa (esparru publikokoa edo pribatukoa), baita edozein bizilagun-komunitate ere. Behartutako subjektuek eta/edo delegatuek konpentsazio ekonomikoa emango diete.
• Energia-aurrezkiaren egiaztatzailea: Egiaztatze Erakunde Nazionaleko (ENAC) kide izango da, eta egiaztatuko du ziurtagiriak lortzeko betebeharra duten enpresek edo haien ordezkariek aurkeztutako kalkuluak  eta dokumentazioa araudiarekin bat datozela.

Energia merkaturatzen duten enpresek ekarpen ekonomiko batzuk egin behar dizkiote urtero Energia Efizientziaren Funts Nazionalari (FNEE), energia aurrezteko betebeharrak betetzeko.
Gobernuak 36/2023 Errege Dekretuaren bidez ezarritako Energia Aurrezkiaren Ziurtagirien sistemak urteko diru-ekarpenaren zati baten ordez CAE ordaintzea ahalbidetzen du, bi bide hauetan:

• Instalazioetan energia aurrezteko jarduerak sustatzea.
• CAE merkatuan erostea, salerosketa-ondasuna baita.

Jarduera horiek argiztapenarekin, klimatizazioarekin edo energia-eskaeraren kudeaketa adimendunarekin lotuta egon daitezke.

CAEren prezioa energia-aurrezkiaren jarduera-motaren araberakoa izango da. Jarduera estandarra edo berezia izan daiteke, eta, nolanahi ere, Gobernuak ezarritako erreferentzia-prezio maximoa du.

Lehenik eta behin, aztertu 2023/01/26tik aurrera zure enpresaren instalazioetan energia aurrezteko neurriren bat ezarri duzun.
Hala bada, jarri gurekin harremanetan, zure kudeatzaile pertsonalaren bidez edo kontsulta-formularioaren bidez, hemen. Gurekin hitzarmen bat sinatu ondoren, informazio guztia egiaztatuko dugu Egiaztatze Erakunde Nazionalaren (ENAC) bidez, CAEren eskaera aurkeztuko dugu kudeatzaile autonomiko edo koordinatzaile nazional eskudunean, eta, baliozkotu ondoren, ordainsari ekonomiko bat jasoko duzu, energia-eraginkortasunaren jarduerak sortutako aurrezkiaren onurei gehituko zaiena. Erraz-erraza da!