Certificado de aforro enerxético

É un documento electrónico que acredita un aforro anual determinado de enerxía derivado dunha actuación de eficiencia enerxética realizada desde o 26/01/2023.
É un activo obxecto de compravenda.

1 CAE = 1kWh de aforro enerxético

• Suxeitos obrigados (SO): son as empresas comercializadoras de gas e electricidade, operadores de produtos petrolíferos por xunto e operadores de gases licuados de petróleo por xunto.
• Suxeitos delegados (SD): calquera persoa xurídica que asuma a delegación da obtención de aforro de enerxía dos suxeitos obrigados, é dicir, que actúe como representación das empresas.
• Os clientes finais: calquera persoa, empresa (do ámbito público ou privado), mesmo calquera comunidade de veciños que poida realizar un proxecto de eficiencia enerxética e que será compensado economicamente polos suxeitos obrigados e/ou delegados.
• Verificador de aforro enerxético: formará parte da Entidade Nacional de Acreditación (ENAC) e comprobará que os cálculos  e a documentación presentada, polas empresas obrigadas ou os seus delegados, para obter certificados é acorde á normativa.

As empresas comercializadoras de enerxía están obrigadas a facer unhas achegas económicas anuais ao Fondo Nacional de Eficiencia Enerxética (FNEE) para cumprir coas súas obrigas de aforro enerxético.
O sistema de Certificados de Aforro Enerxético, introducido polo Goberno a través do RD 36/2023 permite substituír parte da contribución monetaria anual polo pago en CAE, de dúas vías:

• Promover actuacións de aforro enerxético nas súas instalacións.
• Adquirindo o CAE no mercado, pois é un ben de compra/venda.

Estas actuacións poden estar relacionadas coa iluminación, a climatización ou a xestión intelixente da demanda enerxética.

O prezo do CAE dependerá do tipo de actuación de aforro enerxético que poderá ser estándar ou singular e, en calquera caso, ten un prezo máximo de referencia estipulado polo Goberno.

En primeiro lugar analiza se aplicaches algunha medida de aforro enerxético nas instalacións da túa empresa a partir do 26/01/2023.
Se é así, contacta connosco, a través do teu xestor persoal ou do formulario de consulta aquí e tras asinar un convenio connosco, verificaremos toda a información a través da Entidade Nacional de Acreditación (ENAC), presentaremos a solicitude de CAE no xestor autonómico ou coordinador nacional competente e unha vez validado, recibirás unha remuneración económica que se sumará aos beneficios xa existentes do aforro xerado da actuación de eficiencia enerxética. Así de doado!