NATURGY CLIENTES, S.A.U.REN PRIBATUTASUN POLITIKA
I. TRATAMENDUAREN ARDURADUNA
Naturgy Clientes, S.A.U. (aurrerantzean Naturgy) entitateak Av. America, 38, 28028, Madrilen du egoitza, eta IFZ A-08431090 du, eta zure datu pertsonalen tratamenduaren arduraduna da.
II. TRATAMENDUAREN HELBURUA, LEGEZKO OINARRIA, HARTZAILEAK ETA GORDETZEKO EPEA
Ondoko taulan, Naturgyk egindako datu-tratamendu bakoitzerako informazioa aurkituko duzu:
- Tratamenduaren helburua: Naturgyk zertarako tratatzen dituen zure datu pertsonalak.
- Oinarri juridikoa: deskribatutako helburu bakoitzerako Naturgyk zure datu pertsonalak tratatzea ahalbidetzen duen lege-oinarria. Oinarria zure baimena denean, horrek esan nahi du zure datuak xede horretarako erabiliko direla, baldin eta aldez aurretik, aitorpen baten bidez edo baiezko ekintza argi baten bidez, tratamendu horrekin ados zaudela adierazi baduzu. Hala nahi izanez gero, eskubidea izango duzu zure baimena edozein unetan ezeztatzeko, atzeraeraginik gabe. Oinarria interes legitimoa denean, Naturgyk aurretik haztapen-judizio bat egina izango du Naturgyk daukan interes legitimoaren eta zure interesen edo oinarrizko eskubide eta askatasunen artean, eta horren ondorioz, lehenak bigarrenek baino lehentasun handiagoa duela ondorioztatu izanen du. Haztapen-judizio horri buruz informazio gehiago eska dezakezu. Horretarako, Datuak Babesteko ordezkariarekin harremanetan jarri beharko duzu, Pribatutasun-politika honetan adierazitako kanalen bidez. Era berean, gogorarazten dizugu eskubidea duzula zure datu pertsonalen edozein tratamenduri aurka egiteko, interes legitimoan oinarrituta badago. Eskubide hori pribatutasun-politika honetan adierazitako kanalen bidez erabil dezakezu.
- Hartzaileak: hirugarrenak, zeinei zure datu pertsonalak eman ahal dakizkien, eta hori egiteko arrazoia. Oro har, II. atal honetan deskribatuko diren helburuetarako, Naturgyk zure datu pertsonalak jakinarazi beharko dizkie hirugarrenei, horretarako lege aginduz behartuta badago. Bestalde, Naturgyk kontratatutako hornitzaile eta zerbitzu-emaile batzuek ere eskuratu ahal izango dituzte zure datu pertsonalak, tratamenduaren helburua lortzen laguntzeko, tratamenduaren arduradun diren aldetik. Hornitzaile horiek tratamendurako arduradun-kontratu baten pean jardungo dute, eta datu pertsonalak babesteko arloan legea betetzen dela bermatuko dute.
- Gordetzeko epea: Naturgyk zure datu pertsonalak tratatzeko epea. Halere, legeri aplikagarrian xedatutakoaren arabera, zure datuak blokeatuta gera daitezke gero epaileen eta auzitegien, Ministerio Fiskalaren edo administrazio publiko eskudunen esku jartzeko, tratamendutik eratorritako erantzukizunak eskatzeko, eta erantzukizun horiek preskribatzeko epe irauten duen bitartean soilik.
ENTITATEETAKO HARREMANETARAKO PERTSONEI ETA LEGEZKO ORDEZKARIEI, BANAKAKO ENPRESABURUEI ETA PROFESIONAL LIBERALEI DAGOKIENEZ, EDO JABE-ERKIDEGOETAKO ORDEZKARIEI DAGOKIENEZ
Batzuetan, Naturgyk harreman profesionala izan dezake zuk zerbitzuak ematen dituzun pertsona juridikoarekin, ordezkatzen duzun jabe-erkidegoarekin edo zurekin, enpresaburu indibiduala edo profesional liberala bazara. Kasu horietan, baliteke Naturgyk zure harreman-datuak izatea, eta, batzuetan, zuk duzun funtzioari edo lanpostuari dagozkionak (oro har, harreman profesionaleko datuak). Naturgyk datu horiek ondoko helburuetarako erabili ahalko ditu:
| TRATAMENDUAREN HELBURUA | OINARRI JURIDIKOA | HARTZAILEAK | GORDETZEKO EPEA | OHARRAK |
Harreman profesionala mantentzea, honako hauekin (dagokionaren arabera): (i) Pertsona juridikoarekin, non zerbitzuak ematen dituzun (ii) Zurekin, banakako enpresaburua edo profesional liberala zaren aldetik. | Naturgyren interes legitimoa, Datu Pertsonalak Babesteari eta Eskubide Digitalak Bermatzeari buruzko abenduaren 5eko 3/2018 Lege Organikoaren 19. artikuluarekin bat etorriz. | Naturgyren zerbitzu-emaileek eta hornitzaileek zure datu pertsonalak eskuratu ahal izango dituzte, tratamenduaren arduradun diren aldetik, haiekin beharrezko kontratuak sinatu baititugu arestian aipatutako helburua betetzeko. | Naturgyk zure harreman profesionaleko datuak gorde eta erabiliko ditu, ezabatzea eskatzen duzun arte edo aurka egiteko eskubidea erabiltzen duzun arte. Ondoren, legeriak ezarritako blokeatzeko betebeharra aplika liteke. | Zure harreman profesionaleko datuak honela jaso ahal izan dira: (i) Naturgyren eta zure zerbitzuak ematen dituen pertsona juridikoaren arteko kontratua edo harreman profesionala sinatzeko edo gauzatzeko unean, edo zurekin, enpresaburu indibiduala edo profesional liberala zaren aldetik. (ii) Sektore publikoko edo pribatuko hirugarrenen bidez, edo informazio publikoaren edo sarbide publikoko iturrien bidez. (iii) Networking bidez edo Naturgyko kideekin bilera profesionalen bidez. (iv) Edo baliteke Naturgyri zuk zeuk eman izana, edo zerbitzuak ematen dituzun entitateak edo erakundeak eman izana, edo bere gainetik edo bere menpe dagoen beste entitate edo erakunde batek eman izana. Zure harreman profesionaleko datuak tratatzearen helburua da Naturgyk zerbitzuak ematen dituzun pertsona juridikoarekin edozein harreman behar bezala kudeatzea, edo zurekin, enpresaburu indibiduala edo profesional liberala zaren aldetik; zure datuak ez dira tratatuko, ordea, pertsona fisiko zarela zurekin harremana kudeatzeko. |
Zuk ordezkatzen duzun jabe-erkidegoarekin harreman profesionala izatea. | Naturgyk jabe-komunitate bati bere zerbitzuak eskaintzeko eta negozio-harreman oro mantendu eta kudeatzeko duen interes legitimoa. Erakunde horrekiko harremana jabe-komunitate horretako presidentearen bidez edo haren legezko ordezkaritza duen beste pertsona baten bidez baino ezin da gauzatu. Naturgyren ustez, jabe-erkidegoaren ordezkaritza duten interesdunek arrazoizko itxaropena dute aipatutako helburuetarako harremanetan jartzeko. | Naturgyren zerbitzu-emaileek eta hornitzaileek zure datu pertsonalak eskuratu ahal izango dituzte, tratamenduaren arduradun diren aldetik, haiekin beharrezko kontratuak sinatu baititugu arestian aipatutako helburua betetzeko. | Naturgyk soil-soilik zure datuak gorde eta tratatuko ditu, ezabatzea eskatzen duzun arte edo aurka egiteko eskubidea erabiltzen duzun arte. Ondoren, legeriak ezarritako blokeatzeko betebeharra aplika liteke. | Zure harreman profesionaleko datuak honela jaso ahal izan dira: (i) Naturgyri zuk zeuk eman badizkiozu, edo ordezkatzen duzun jabe-erkidegoak eman badizkio. (ii) Sektore publikoko edo pribatuko hirugarrenen bidez, edo informazio publikoaren edo sarbide publikoko iturrien bidez. (iii) Networking bidez edo Naturgyko kideekin bilera profesionalen bidez. Zure harreman profesionaleko datuen tratamenduaren helburua da Naturgyren eta zuk ordezkatzen duzun jabe-erkidegoaren arteko harreman oro behar bezala kudeatzea; datu horiek ez dira tratatuko, ordea, zurekin, pertsona fisikoa zaren aldetik, harremana kudeatzeko. |
Enpresari indibidual edo profesional liberala bazara eta produktu edo zerbitzu bat kontratatzea eskatzen ari bazara, ondare-kaudimenari eta diruzko, finantzazko edo kredituko betebeharrak ez betetzeari buruzko informazioa kontsultatzea, ASNEF kreditu-informazioko sistemaren bidez, EQUIFAX IBERIA, S.L. enpresak kudeatua, edo behar bezala jakinaraziko zaizun beste edozein sistemaren bidez, eta Naturgyrekin zorrak izateari buruzko informazioa kontsultatzea. Kontsulta horien ondorioz, kontratazio eskaera onartu edo ukatzeko erabaki automatizatua hartuko da. | Kreditu-informazioko sistemetatik lortutako informazioa kontsultatzeko eta tratatzeko, Naturgyren interes legitimoa hartuko da kontuan, zuk eskatutako kontratazioaren bideragarritasun ekonomikoa bermatzeko, eta Datu Pertsonalak Babesteko eta Eskubide Digitalak Bermatzeko abenduaren 5eko 3/2018 Lege Organikoaren (DBLO) 20.1.e) artikuluan aurreikusitakoaren arabera. Erabaki automatizatua hartzea ezinbestekoa da zurekin kontratua sinatzeko, 2016/679 EB Erregelamenduaren (DBEO) 22.2.a) artikuluan xedatutakoaren arabera. | Naturgyren zerbitzu-emaileek eta hornitzaileek zure datu pertsonalak eskuratu ahal izango dituzte, tratamenduaren arduradun diren aldetik, haiekin beharrezko kontratuak sinatu baititugu arestian aipatutako helburua betetzeko. | Kreditu-informazioko sistemei egindako kontsultetatik lortutako datuak kontratazio-prozesua amaitu arte gordeko dira. Ondoren, legeriak ezarritako blokeatzeko betebeharra aplika liteke. | Sistema informatiko batek aipatutako kontsultak egingo ditu, eta, kontsulta horien bidez, kopuru jakin batetik gorako diruzko, finantzazko edo kredituko betebeharrak betetzen ez dituzula baieztatzen duen informazioa lortzen duenean, sistemak, automatikoki eta gizakiaren esku-hartzerik gabe, Naturgyren produktua edo zerbitzua kontratatzeko zure eskaera errefusatuko du. Hala eta guztiz ere, zuk nahi izanez gero, eskubidea duzu erabaki horretan gizakiaren esku-hartzea eskatzeko, zure ikuspuntua adierazteko eta erabakiaren aurka egiteko. Horretarako, gurekin harremanetan jarri beharko duzu helbide honen bitartez: clientesarco@naturgy.com |
Ez ordaintzeak eta zorren kobrantza kudeatzea (ordaintzen ez baduzu eta enpresaburu indibiduala edo profesional liberala bazara). | Naturgyk interes legitimoa du bere kontratu-eskubideak errespetatuko direla bermatzeko bideak bilatzeko eta, hartara, zor zaizkion zenbatekoak kobratzeko. Uste dugu edozein bezerok arrazoizko itxaropena duela Naturgyri kontratatu dizkion produktu edo zerbitzuengatik zor dituen zenbatekoak erreklamatzeko. Naturgyren interes legitimoa, Datu Pertsonalak Babesteari eta Eskubide Digitalak Bermatzeari buruzko abenduaren 5eko 3/2018 Lege Organikoaren 20. artikuluarekin bat etorriz. | Diruzko betebeharrak ez betetzeari buruzko datuak ASNEF kreditu-informazioko sistemari (EQUIFAX IBERICA SL enpresak kudeatzen du) edo behar bezala jakinaraziko zaion beste edozeini jakinarazi ahal izango zaizkio. Datu Pertsonalak Babesteari eta Eskubide Digitalak Bermatzeari buruzko abenduaren 5eko 3/2018 Lege Organikoaren 20. artikuluaren arabera egingo da hori. Halaber, Naturgyren zerbitzu-emaileek eta hornitzaileek zure datu pertsonalak eskuratu ahal izango dituzte, tratamenduaren arduradun diren aldetik, haiekin beharrezko kontratuak sinatu baititugu arestian aipatutako helburua betetzeko. | Naturgyk xede horrekin gorde eta tratatuko ditu zure datuak, deskribatutako xederako beharrezkoak diren bitartean. Ordaintzen ez baduzu, Naturgyk kreditu-informazioko sisteman datuak mantenduko ditu ez-betetzeak irauten duen bitartean soilik, eta gehienez ere bost urteko epean, diruzko betebeharra amaitzen den egunetik zenbatzen hasita. Ondoren, legeriak ezarritako blokeatzeko betebeharra aplika liteke. | Kreditu-informazioko sistemei datuak jakinarazteari dagokionez, jakinarazten dizugu, Datu Pertsonalak Babesteko Lege Organikoaren 20. artikuluan eta 2016/679 EB Erregelamenduaren (DBEO) 26. artikuluan ezarritakoaren arabera, Naturgyk eta aipatutako kreditu-informazioko sistema kudeatzen duen erakundeak, tratamenduaren arduradun diren aldetik, hitzarmen bat sinatu dutela. Akordio horren funtsezko alderdiak zure eskura dituzu; horiei buruzko informazioa Datuak Babesteko ordezkariari eskatu besterik ez duzu egin behar, pribatutasun-politika honetan adierazitako kanalen bidez. |
Datu pertsonalen babesaren arloko norbanakoen eskubideak erabiltzeko aurkeztu dituzun eskaerak kudeatzea. | 2016/679 (EB) Erregelamenduak (DBLO) eta Datu Pertsonalak Babesteari eta Eskubide Digitalak Bermatzeari buruzko abenduaren 5eko 3/2018 Lege Organikoak tratamenduaren erantzuleari ezarritako legezko betebeharra betetzea. | Naturgyren zerbitzu-emaileek eta hornitzaileek zure datu pertsonalak eskuratu ahal izango dituzte, tratamenduaren arduradun diren aldetik, haiekin beharrezko kontratuak sinatu baititugu arestian aipatutako helburua betetzeko. | Naturgyk xede horrekin gorde eta tratatuko ditu zure datuak, deskribatutako xederako beharrezkoak diren bitartean. Ondoren, legeriak ezarritako blokeatzeko betebeharra aplika liteke. |
III. NAZIOARTEKO DATU-TRANSFERENTZIAK.
Datu pertsonalak aipatutako helburuetarako tratatzean, Naturgy-k ez du aurreikusten nazioarteko transferentziarik egitea.
Datuak adierazitako helburuetarako tratatzeko Europako Esparru Ekonomikotik (“EEE”) kanpo transferitu behar badira, transferentzia horietarako oinarritzat hartuko dira EEEtik kanpo kokatutako konpainia horiekin nazioarteko transferentzietarako Europako Batzordeak hartutako datuen babeserako klausula-motak sinatzea, edo, bestela, araudi aplikagarrian aurreikusitako beste berme egokiren bat hartuko da.
IV. DATUAK BABESTEKO ORDEZKARIA
Naturgyk Datuak Babesteko ordezkari bat izendatu du. Hauek dira berarekin harremanetan jartzeko datuak:
- Posta-helbidea: Av. América, 38, C.P. 28028, Madril
- Helbide elektronikoa: dpd-dpo@naturgy.com
DATU PERTSONALEN GAINEKO ESKUBIDEAK
Legez dagozkizun eta, bidezkoa denean, erabil ditzakezun eskubideak honako hauek dira:
| ESKUBIDEA | EDUKIA |
Eskuratzea | Naturgyk tratatzen dituen zure datu pertsonalak kontsultatu ahal izango dituzu. |
Zuzenketa | Zure datu pertsonalak aldatu ahal izango dituzu, okerrak edo osatu gabeak badira. |
Ezabatzea | Zure datu pertsonalak ezabatzea eska dezakezu. |
Aurka egitea | Zure datu pertsonalak interes legitimoaren arabera ez tratatzeko eskatu ahalko duzu. Orobat, zure datu pertsonalak zuzeneko marketin-xedeetarako tratatzearen aurka ere egin dezakezu, baita profilak egitearen kontra ere, zuzeneko marketin horrekin zerikusia duen heinean. |
Tratamendua mugatzea | Zure datuen tratamendua mugatzea eska dezakezu:
|
Automatizatuak ez diren erabakiak | Datuen tratamendu automatizatuan oinarritutako erabakiak zugan aplikagarri ez izatea eska dezakezu. |
Baimena kentzea | Edozein unetan kendu ahal izango duzu, atzeraeraginik gabe, zure datuak helburu jakin baterako tratatzeko aldez aurretik eman duzun baimena. |
Eramangarritasuna | Eman dizkiguzun datu pertsonalak formatu elektronikoan jaso ahal izango dituzu, eta beste entitate batera bidali ahalko dira ere bai. |
Eskubide horiek erraz eta azkar erabili ahal izango dituzu honako formulario honen bidez: Eskubideak erabiltzea.
Edo, bestela, idatzi postaz helbide honetara: Nori: Derechos LOPD Cliente, Plaça del Gas 2, 08003 Bartzelona.
“Solicitud Protección de Datos-Ejercicio de derechos” (“Datuen babesa-Eskubideak erabiltzeko eskaera”) jarri beharko duzu jakinarazpenaren erreferentzian. Horiek banakako eskubideak direnez, Naturgyk behar bezala egiaztatu beharko du interesdunak edo baimendutako pertsonak erabiltzen dituela. Hori dela eta, Naturgyk zure identitateari buruzko zalantzarik izanez gero, informazio osagarria eskatu ahal izango dizu identitatea berresteko, hala nola zure NANaren, AIZaren, pasaportearen edo identifikatzen zaituen dokumentu baliokidearen kopia. Halaber, NANaren ordez sinadura elektronikoa erabili ahal izango duzu. Interesdunak baimendutako pertsona batek bere eskubideak erabiltzen baditu, baimenduaren identitatea egiaztatu eta baimena egiaztatzen duen agiria aurkeztu beharko du.
Naturgyk eskatutako informazioa hilabeteko epean igorriko du, eskaera jasotzeko datatik zenbatzen hasita. Beste bi hilabetez luza daiteke epe hori, konplexutasuna eta eskaera kopuruaren arabera.
Zure datu pertsonalak behar bezala tratatu ez ditugula uste baduzu, Datuak Babesteko ordezkariarekin jar zaitezke harremanetan lehen aipatutako kanalen bidez.
Edonola ere, jakinarazten dizugu zure datu pertsonalen tratamenduan datuak babesteko araudia hautsi dela uste baduzu, eskubidea duzula Kontrol Agintaritza eskudunean erreklamazioa aurkezteko (adibidez, Datuak Babesteko Espainiako Agentzia - www.aepd.es).
2022ko apirila