Podes rexistrarte en Área Clientes ou dende a app Naturgy Clientes. O teu usuario e contrasinal serviranche para ambas as dúas. 

Rexistrarse é sinxelo e rápido. Como dato de seguridade pedirémosche os 4 últimos díxitos de calquera das contas bancarias nas que teñas domiciliado un contrato de Naturgy. Se por algún motivo non tes domiciliación, ao detectalo pedirémosche que informes o importe dalgunha das túas 3 últimas facturas.

Importante:

• O teu usuario será o teu NIF/NIE/pasaporte
• Ao finalizar o rexistro, enviarémosche un correo electrónico dende o cal deberás activar a túa conta. 
• Sempre terás dispoñible unha opción de lembrar contrasinal, por se algunha vez o esqueces. 

Se es cliente unicamente da tarxeta Naturgy, poderás rexistrarte só cos díxitos da túa tarxeta. 

Se xa estás rexistrado en Área Clientes ou na app Naturgy Clientes e non lembras o contrasinal, verás no acceso unha opción para lembrar contrasinal  .

Solicitarémosche o teu NIF e o correo electrónico co que te rexistraches. Nese correo recibirás un correo electrónico co acceso para renovar o teu contrasinal.

Porén, se non lembras o correo electrónico ou ben xa non tes acceso a esa conta de correo, como alternativa, pedirémosche os 4 últimos díxitos dalgunha das contas bancarias nas que teñas domiciliado algún contrato de Naturgy. Unha vez validado ese dato, poderás informarnos un novo correo, ao que enviaremos unha mensaxe co acceso para renovar o teu contrasinal.

Abofé! Coa App Naturgy Clientes podes realizar dende o teu móbil todas as operacións dispoñibles na Área Clientes e moito máis! Está dispoñible na App Store se tes un iPhone ou en Google Play se tes un dispositivo Android.