Cuartos
Ilumina o teu cuarto para crear un ambiente agradable.
Nos cuartos é aconsellable asegurar unha boa iluminación xeral e
reforzar algúns recantos con iluminación específica, como na mesa de noite ou no gardarroupa.
reforzar algúns recantos con iluminación específica, como na mesa de noite ou no gardarroupa.
-
Como se deben distribuír as lámpadas?
Nas ventás non utilices cortinas moi tupidas e aproveita a luz natural durante o día.
Preto dos espellos precísase unha boa iluminación para que a luz se reflicta.
Para a cama utiliza lámpadas orientables individuais, que facilitan a lectura e proporcionan unha luz intensa pero orientada.
Para os armarios, orienta os focos do teito ou as filas de halóxenos cara ás súas portas. Desta forma evitas cegamentos e ofreces amplitude ao cuarto.
Para o cuarto dos nenos, dispoñerase dunha boa iluminación xeral, capaz de iluminar axeitadamente o chan e as paredes, co fin de non deixar ningún recanto escuro. Coloca unha lámpada de teito central ou unha plataforma con tres ou catro focos orientados. -
Que lámpadas son as axeitadas?
A iluminación xeral pódese axeitar con tubos fluorescentes T5 de 28 W, que dan a mesma iluminación que os T12, de 40 W. Se polo tipo de lámpada que vas utilizar non podes usar tubos fluorescentes, opta por lámpadas de baixo consumo, de 15 W ou 20 W, en función do tamaño do cuarto e do número de lámpadas.
No cuarto dos nenos, polas noites, non deixes acendidas lámpadas de luz de incandescencia. A mellor solución para facilitar unha iluminación tenue son os led decorativos.
Se queres consultar con máis detalle os diferentes tipos de lámpadas que hai no mercado, fai clic aquí.