Unha “alta de luz” sempre se refire a unha nova instalación de luz, xa for na túa vivenda/local individual ou en toda unha comunidade de veciños.

Para iniciar a alta, debes contactar coa distribuidora de luz da túa zona, que é a responsable da rede eléctrica e indicarache os pasos para realizar a instalación, que será máis ou menos doada dependendo da túa situación. A distribuidora orientarache sobre as empresas instaladoras que poden axudarche.

Cando teñas a instalación realizada e dispoñible para contratar a subministración de luz cunha comercializadora eléctrica, daranche o código CUPS, que é o código único da túa instalación e dato necesario para contratar, xunto co CIE, que é un certificado que indica as características da túa instalación e que inclúe, por exemplo, a potencia eléctrica máxima que soporta a túa instalación.

As distribuidoras eléctricas encárganse de facer chegar a electricidade a unha zona determinada e son propietarias e responsables da rede eléctrica. Por este motivo, cada distribuidora opera nunha zona determinada da xeografía española e, en función de onde estea a túa vivenda, a túa distribuidora de luz pode ser unha ou outra.

Podes consultar a listaxe de distribuidora dependendo da túa zona aquí.

Tramitar a túa alta non é gratuíto, o prezo por dar de alta a luz ten uns custos regulados que deben pagar os clientes que a queiran contratar.  Coñécense comunmente como o custo por dereitos de enganche ou dereitos de acometida, e supón o custo dunha serie de accións, levadas a cabo pola empresa distribuidora, para dar de alta unha subministración enerxética ou para ampliar unha existente. Non sempre hai que pagar todos os dereitos de acometida, xa que dependerá das particularidades de cada caso. Explicámosche os diferentes dereitos de acometida:

• Dereitos de acceso: son os dereitos de que dan acceso á rede de transporte eléctrica, para facer chegar a luz á vivenda. O importe destes trámites está regulado e establecido polo Goberno. O aboamento deste realízase na factura da luz da túa compañía comercializadora.
• Dereitos de extensión: refírese ao custo de mantemento da infraestrutura eléctrica, e dependerá de se se trata dunha nova alta de subministración por primeira vez ou dunha alta dun contrato que leva máis de 3 anos de baixa. A contía destes custos tamén está regulada.
• Dereitos de verificación: se dispós dun proxecto e o certificado de obra, ou se se presentou un boletín de instalador autorizado, non precisarás este dereito de verificación. Só no caso de que non dispoñas desta documentación, a túa distribuidora realizará unha valoración e a comprobación do correcto funcionamento, as medidas de seguridade necesarias na túa instalación eléctrica, e se esta obedece a todos os regulamentos e requisitos técnicos. Neste caso terás o custo de verificación.
• Dereitos de enganche: é o dereito para poder conectar a rede exterior de subministración de enerxía coa instalación interior no propio domicilio. Tamén é un custo regulado.

Os custos que che aplique a distribuidora os cobrará a través da factura de luz, porque os fará chegar á túa comercializadora.

Para dar de alta a luz con Naturgy, necesitarás ter a seguinte documentación:

• NIF/CIF/NIE do titular do contrato
• Datos bancarios para a domiciliación dos teus recibos
• Dirección da subministración
• Código CUPS (código único do punto de subministración)
• CIE (certificado de instalación eléctrica)

Contratar a luz con Naturgy ten moitas vantaxes dende:

• Tranquilidade en elixir a tarifa que máis se adapte ás túas necesidades.
• Prezos estables durante 12 meses.
• Sen permanencias nin condicións.
• Servizos para o teu fogar en menos de 3 horas, as 24 horas e os 365 días.

Depende de cada situación, pero unha vez que teñas o CUPS e o CIE, en 10 días poderías ter a contratación da subministración realizada con Naturgy.