Batería Virtual Solar

A Batería Virtual Solar é o noso servizo dixital que maximiza o rendemento da túa instalación solar, o que che permite rendibilizar o 100 % da enerxía xerada e achegar a túa factura a 0 €. Funciona coma un peto dixital que che permite acumular saldo en euros pola enerxía producida, non consumida nin compensada, polo límite da regulación vixente (RD 244/2019). Este saldo poderás aplicalo de forma doada e flexible ao pagamento do importe global das túas facturas, xa foren de luz, de gas ou de servizos, e tanto da túa vivenda onde teñas as placas solares coma noutras subministracións das cales sexas o titular.

Poderás elixir entre dous posibles modos de xestión para utilizar o saldo. O que se asigna por defecto é o modo automático: neste, o saldo dispoñible utilizarase para compensar o importe das túas facturas por orde cronolóxica de emisión e ata conseguir que o importe que tes que pagar sexa cero (inclúe tamén o importe doutros servizos contratados con Naturgy, así como calquera outro concepto incluído na factura). Alternativamente, poderás elixir o modo manual, a través do cal, dende a Área Clientes, poderás indicar o importe que desexas aplicar e o enderezo de subministración sobre a que aplicar ese importe, cada vez que queiras utilizar o saldo dispoñible.

Dende a Área Clientes, accedendo á sección de Batería Virtual Solar, tamén poderás consultar o saldo dispoñible e os teus movementos, e cambiar o modo de xestión do saldo.

Para gozar do servizo de Batería Virtual, cómpre dispoñeres de:

• Unha tarifa de luz contratada con Naturgy (ten en conta que a tarifa plana e os plans con cota fixa non son compatibles con autoconsumo). Se dispós dunha tarifa non compatible só tes que solicitar un cambio da túa tarifa á Tarifa Solar ou á Tarifa por Uso.
• Placas solares legalizadas.
• A modalidade autoconsumo con compensación de excedentes activada.

Na túa factura con excedentes e Batería Virtual, verás os conceptos habituais das facturas de luz (https://www.naturgy.es/hogar/ayuda/entiende_tu_factura) e outros novos.

Se no período facturado xeraches excedentes que non foron consumidos, aparecerache na túa factura o concepto “Compensación excedentes”, onde verás o número de kWh que hai que compensar e o importe que hai que descontar do período facturado. Estes excedentes están limitados pola regulación vixente RD 244/2019. A modo resumo, non poderán ser superiores ao importe do consumo de enerxía vertido á rede.

Ademais, coa contratación da Batería Virtual, poderás acumular saldo en euros polos excedentes non consumidos nin compensados; polo tanto, aparecerán máis conceptos novos. Baixo o concepto “Cota Batería Virtual”, verás o custo asociado á contratación da Batería Virtual. En “Importe para cargar na Batería Virtual”, verás a cantidade xerada pola compensación de excedentes que non puido aplicarse directamente na túa factura debido a límites regulatorios; polo que se cargan á túa Batería Virtual.

Finalmente, o concepto "Utilización da Batería Virtual" fai referencia ao saldo da túa Batería Virtual utilizado para aboar a factura, xa for de xeito automático ou manual, dependendo da túa elección.

Podes consultar en calquera momento o saldo dispoñible na túa Batería Virtual e os movementos da túa conta na túa Área Clientes web e Área Clientes móbil.

O importe almacenado na Batería Virtual e non utilizado terá unha caducidade de 5 anos dende a data de emisión da última factura que contribuíse a incrementar o saldo da batería.

Se dás de baixa o teu contrato de electricidade con compensación de excedentes, incluíndo o traspaso a outra comercializadora, o cambio de titularidade ou o cambio de modalidade de autoconsumo a unha modalidade sen compensación de excedentes, o contrato do servizo de Batería Virtual darase de baixa e deixarase a cero o teu saldo dispoñible na batería.

Si. Podes darte de baixa do servizo de Batería Virtual en calquera momento. A partir da baixa do servizo, deixarase de cobrar a cota mensual e deixarase a cero o teu saldo dispoñible na batería. (Deixarase un período de 45 días durante o cal se utilizará o saldo para pagar as posibles facturas de enerxía que se emitan neste período, antes de cancelar o saldo).