Radiador de aceite

Son equipos independentes que emiten calor a través dun fluído, neste caso aceite, situado no interior da carcasa do radiador. Estes equipos non son enerxeticamente eficientes, e só se deben utilizar como apoio a outras instalacións. Adoitan levar incorporado un termóstato para o control da temperatura do aceite, e hai que evitar o sobrequentamento deste. A potencia destes equipos vai en función do número de elementos, é dicir, a maior número de elementos, maior potencia do equipo.

Estes equipos son pouco eficientes, xa que consumen moita enerxía e non quentan de forma homoxénea a vivenda; por iso, recomendámosche que instales unha bomba de calor. Procura comprar radiadores o máis eficientes e modernos que encontres no mercado, e que teñan a potencia necesaria para quentar a estancia.

Os radiadores de aceite só teñen a posibilidade de calefacción. Se desexas climatizar a túa vivenda, terás que instalar un equipo independente para a produción de frío ou un equipo que che ofreza tanto calefacción coma refrixeración.

Este tipo de radiadores son doados de utilizar: só debes controlar a temperatura do aceite no termóstato que incorporan, para evitar un sobrequentamento deste.

Vantaxes:

1. Doado uso e mantemento.
2. Mobilidade do equipo a calquera parte da vivenda.

Desvantaxes:

• Elevado consumo de electricidade.

• Só son útiles como sistema de apoio.

• Quentan a estancia de forma pouco uniforme.