Explícocho deseguido! Tanto en luz como en gas, as distribuidoras son as responsables de ler o teu contador e enviarnos o dato para poder facturarche.

En ocasións, se non poden realizar esta lectura, as distribuidoras estímana sobre a base dos seus datos históricos e algún outro axuste.

En luz é pouco probable que a estimen porque os contadores son dixitais e os len a distancia, pero podes ter unha lectura estimada se o teu contador aínda non é dixital ou se, puntualmente, houbo un problema no envío dixital dos datos.

Con todo, en gas, os contadores aínda non son dixitais e é o lector da distribuidora quen pasa polo teu enderezo para recoller a lectura. Estimarán, sobre todo, se o teu contador está dentro da túa vivenda/local e o lector non puido acceder, ou se ti facilitaches unha lectura, pero non entrou en prazo ou non superou os criterios de coherencia da túa distribuidora.

Que fago se a miña factura ten unha lectura estimada?

• En luz, a distribuidora por lei  non acepta reclamacións con menos de 3 lecturas estimadas, xa que poden ser fallos puntuais na comunicación que se regularizarán no seguinte ciclo de facturación. Se fose o teu caso, tes a opción de darnos a lectura. Consulta nas preguntas relacionadas como dar a lectura de luz.

• En gas, para evitar estimadas, tes a opción de que ti nos facilites directamente a lectura do teu contador dentro do prazo correcto. Ademais, se o teu contrato o permite, poderás activar un aviso por correo electrónico que che recordará cando tes que dar a lectura. Consulta nas preguntas relacionadas como e cando dar a lectura.

Se xa liches o anterior, incluídas as preguntas relacionadas, e queres reclamar unha lectura de luz ou de gas, accede aquí e enche o formulario indicando Lectura como motivo e anexa, se podes, unha/s foto/s do teu contador.