No pasado, o Goberno era o único encargado de fixar os prezos e só existía o denominado mercado regulado. En 2009 liberalizouse o mercado e dende ese momento os consumidores foron libres de elixir a quen contratar a luz e o gas entre centos de comercializadoras. Pero o mercado regulado aínda existe. A liberalización consiste precisamente en que poidas elixir estar no mercado regulado ou no mercado libre e elixir a comercializadora. Calquera pode cambiar do mercado regulado ao libre e viceversa, pero coa limitación de que o mercado regulado para a luz, só pode admitir potencias que non superen os 10 kW.

No Mercado Regulado, a tarifa está regulada polo Ministerio, tanto en luz coma en gas.

En luz chámase PVPC (Prezo Voluntario ao Pequeno Consumidor). A súa principal característica é que o prezo do kWh cambia cada día e cada hora. Polo tanto, o prezo está sometido á volatilidade do mercado eléctrico.

A tarifa regulada PVPC comercialízana só algunhas comercializadoras que non poden vender enerxía no mercado libre, como é a Comercializadora Regulada Gas&Power S.A. do grupo Naturgy.

Non ten permanencia e só se pode contratar se tes menos de 10 kWh de potencia.

En gas, a tarifa regulada chámase TUR (tarifa de último recurso) e caracterízase por fixar os seus prezos trimestralmente, regulados polo Goberno. Existe a TUR 1, TUR 2 e TUR 3, en función do consumo anual.

As tarifas reguladas non admiten ofertas nin descontos. En cambio, as comercializadoras que operan no mercado libre, marcan os seus prezos e as súas estratexias comerciais de descontos, poden facturar conxuntamente luz e gas e ofrecer outro tipo de servizos.

Ti elixes a opción que máis che convén segundo as túas necesidades.